Blessed with girl
శ్రీ మాత్రే నమః
మా దంపతులము పూజ్యగురువులైన అన్నపూర్ణమ్మగారి ఆశీస్సులతో మేము మా కుటుంబం ఇప్పటికి, ఎప్పటికీ పొందే మా ఆనందాన్ని మీ అందరితో పంచుకోవటానికి కలిగిన ఈ అవకాశానికి ఎంతో రుణపడి ఉన్నాము. మా దంపతులకు వివాహము జరిగి 12 సంవత్సరములు అయినప్పటికీ మాకు సంతానం కలగలేదు. ఎక్కని మెట్టులేదు, మొక్కని దేవుడు లేదు. అటువంటి సమయంలో మా గురువుగారైన అన్నపూర్ణగారి ఆశీసులతో, వారి హీలింగ్ మహత్యంతో 15-6-2013 న మాకొక బంగారంలాంటి ఆడపిల్ల పుట్టింది. అమ్మ మా ఇంటికి వచ్చి వారి దీవెనలు మా పాపకు, కుంబానికి అందించారు. సహజంగా అందరూ వారి పెద్దలపేర్లు వచ్చేలాగా పిల్లల పేర్లు పెడతారు. మేము అమ్మ కృతజ్ఞతతో వారి పేరు వచ్చేలా పాపకి చెంచు వెంకటసుబ్బు సాయి లలితపూర్ణ అని నామకరణం చేసాము.
మేము మా ఇంట్లో ఏ శుభకార్యం చేయాలనుకున్నా అమ్మ ఆశీస్సులతోనే మొదలుపెడతాము. మా పాప మోక్షిత అక్షరాభ్యాసము అమ్మ చేతులమీదుగా విజయవాడ లో జరిగింది. అమ్మ అనుగ్రహం వలన పాప ప్రతిరంగంలో అద్భుతంగా రాణిస్తోంది. ఈ రోజు మేము ఇంత సంతోషంగా ఉండటానికి కారణం అమ్మ దీవెనలు. ఇంత కరుణతో దయతో చూసే ఆ తల్లి, ఆమె కుటుంబ సభ్యులు నిండు నూరేళ్లు ఆయురారోగ్యాలతో కలకాలం వుండాలని ఆ భగవంతుని ప్రార్ధిస్తున్నాము.